بِسْمِ اللّٰهِ الرَّحْمٰنِ الرَّحِيْمِ
شروع کرتا ہوں) اللہ کے نام سے جو بڑا مہربان نہایت رحم والا ہے۔
اِذَا السَّمَآءُ انْشَقَّتْۙ 84|1
اور جب آسمان پھٹ جائے گا۔
وَ اَذِنَتْ لِرَبِّهَا وَ حُقَّتْۙ 84|2
اور وہ اپنے پروردگار کا حکم سن لے گا (اور اس کی تعمیل کرے گا) اور اس پر لازم بھی یہی ہے۔
وَ اِذَا الْاَرْضُ مُدَّتْۙ 84|3
اور جب زمین پھیلا دی جائے گی۔
وَ اَلْقَتْ مَا فِيْهَا وَ تَخَلَّتْۙ 84|4
اور جو کچھ اس کے اندر ہے وہ اسے باہر پھینک دے گی اور خالی ہو جائے گی۔
وَ اَذِنَتْ لِرَبِّهَا وَ حُقَّتْؕ 84|5
اور اپنے پروردگار کا حکم سنے گی اور (اس کی تعمیل کرے گی) اور اس پر لازم بھی یہی ہے۔
يٰۤاَيُّهَا الْاِنْسَانُ اِنَّكَ كَادِحٌ اِلٰى رَبِّكَ كَدْحًا فَمُلٰقِيْهِۚ 84|6
اے انسان! تو کشاں کشاں اپنے پروردگار کی طرف (کھنچا چلا) جا رہا ہے اور اس کی بارگاہ میں حاضر ہو نے والا ہے۔
فَاَمَّا مَنْ اُوْتِيَ كِتٰبَهٗ بِيَمِيْنِهٖ 84|7
پس جس کا نامۂ اعمال اس کے دائیں ہاتھ میں دیا جائے گا۔
فَسَوْفَ يُحَاسَبُ حِسَابًا يَّسِيْرًا 84|8
تو اس سے آسان حساب لیا جائے گا۔
وَّ يَنْقَلِبُ اِلٰۤى اَهْلِهٖ مَسْرُوْرًا 84|9
اور وہ اپنے لوگوں کی طرف خوش و خرم لوٹے گا۔
وَ اَمَّا مَنْ اُوْتِيَ كِتٰبَهٗ وَرَآءَ ظَهْرِهٖۙ 84|10
اور جس کا نامۂ اعمال اس کے پس پشت دیا جائے گا۔