فَلَا صَدَّقَ وَ لَا صَلّٰىۙ 75|31
اتنا کچھ سمجھانے کے باوجود اس مخصوص آدمی نے) نہ تصدیق کی اور نہ نماز پڑھی۔
وَ لٰكِنْ كَذَّبَ وَ تَوَلّٰىۙ 75|32
بلکہ اس نے جھٹلایا اور منہ پھیر لیا۔
ثُمَّ ذَهَبَ اِلٰۤى اَهْلِهٖ يَتَمَطّٰى 75|33
پھر اکڑتا ہوا اپنے گھر والوں کی طرف چلا گیا۔
اَوْلٰى لَكَ فَاَوْلٰىۙ 75|34
یہ (روش) تیرے ہی لئے سزاوار ہے اور تیرے ہی لائق ہے۔
ثُمَّ اَوْلٰى لَكَ فَاَوْلٰىؕ 75|35
پھر یہ تیرے ہی لائق ہے اور تیرے ہی لئے سزوار ہے۔
اَيَحْسَبُ الْاِنْسَانُ اَنْ يُّتْرَكَ سُدًىؕ 75|36
کیا انسان یہ گمان کرتا ہے کہ اسے یونہی مہمل چھوڑ دیا جائے گا؟
اَلَمْ يَكُ نُطْفَةً مِّنْ مَّنِيٍّ يُّمْنٰى 75|37
کیاوہ شروع میں منی کا ایک قطرہ نہ تھا جو (رحم میں) ٹپکایا جاتا ہے؟
ثُمَّ كَانَ عَلَقَةً فَخَلَقَ فَسَوّٰى 75|38
پھر وہ ایک لوتھڑا بنا پھر اس (خدا) نے اسے پیدا کیا اور پھر (اس کے) اعضاء درست کئے۔
فَجَعَلَ مِنْهُ الزَّوْجَيْنِ الذَّكَرَ وَ الْاُنْثٰىؕ 75|39
پھر اس سے دو قِسمیں بنائیں مرد و عورت۔
اَلَيْسَ ذٰلِكَ بِقٰدِرٍ عَلٰۤى اَنْ يُّحْيِۧ الْمَوْتٰى 75|40
کیا وہ اس بات پر قادر نہیں ہے کہ وہ مُردوں کو پھر زندہ کر دے۔